Manuel Noyer darvozabonlar oʻrtasida Jahon chempionatlaridagi oʻyinlar soni boʻyicha rekordni takrorladi
Germaniya terma jamoasi darvozaboni Manuel Noyer dunyo birinchiliklarida eng koʻp oʻyin oʻtkazgan darvozabonlar oʻrtasidagi rekord natijani takrorladi. Ushbu voqea 2026-yilgi futbol boʻyicha Jahon chempionati guruh bosqichining 1-turi doirasida Kyurasaoga qarshi kechgan uchrashuvda yuz berdi.
Kyurasao milliy jamoasiga qarshi bahs Noyer uchun Jahon chempionatlaridagi 20-oʻyinga aylandi va u bu koʻrsatkich boʻyicha Fransiya terma jamoasining sobiq posboni Ugo Lyorisga yetib oldi.
Maʼlumot uchun, guruh bosqichi uchrashuvlari 11-iyundan 27-iyungacha davom etadi. Jamoalar oʻzaro bir davrali tizimda (har biri uchtadan oʻyin) maydonga tushishadi. Pley-off bosqichiga esa har bir guruhdan ikkitadan eng yaxshi terma jamoa hamda uchinchi oʻrinni egallagan eng yaxshi 8 ta jamoa yoʻl oladi.
