“Манчестер Юнайтед”нинг собиқ футболчиси “Манчестер Сити”ни чемпионлик унвонларидан маҳрум қилишга чақирди
“Манчестер Юнайтед”нинг собиқ ҳимоячиси Яп Стам “Манчестер Сити”ни молиявий қоидабузарликлар учун жиддий жазолаш кераклигини таъкидлади. Нидерландиялик мутахассис клубни аввалги чемпионлик унвонларидан маҳрум қилиш тарафдори эканини билдирди. Бу ҳақда Manchester Evening News нашри хабар бермоқда.
Манбага кўра, Стам “Манчестер Сити”нинг 2009–2018-йиллар оралиғида Англия Премьер-лигаси молиявий қоидаларини бузганликда айбдор деб топилганига муносабат билдирган. Собиқ футболчининг фикрича, клуб қўлга киритган совринларидан маҳрум қилиниши ва бу қарор бошқа жамоалар учун ҳам огоҳлантириш бўлиши керак.
“Менимча, уларнинг чемпионлик унвонларини олиб қўйиш керак. Клуб ушбу совринларни қўлга киритиш учун қоидаларни бузган. Бу масалада Петер Шмейхелнинг фикрига тўлиқ қўшиламан. Премьер-лига бошқаларга сабоқ бўладиган қарор қабул қилиши керак”, — деди Стам.
Маълумот учун, Яп Стам 1998–2001-йилларда “Манчестер Юнайтед” сафида тўп сурган ва клуб билан уч марта Англия чемпионлигини қўлга киритган. 2026 йил 29 сентябр куни мустақил комиссия “Манчестер Сити”ни молиявий қоидабузарликларда айбдор деб топди. Бироқ клуб ушбу қарор устидан апелляция берди. Ҳозирча якуний жазо чораси эълон қилинмаган.
