«Манчестер Юнайтед»нинг қишки трансфер режалари маълум бўлди
Клуб ҳимоя чизиғини кучайтиришга эътибор қаратади.
Фото: Getty Images
Football Insider хабар беришича, сўнгги тарқалаётган хабарларга қарамай, «қизил иблислар» январь ойида бошқа позицияларга эмас, ҳимоя чизиғини кучайтиришга эътибор қаратади.
Клуб ёзги трансферлар ойнасида ҳам чап қанот ҳимоячисини харид қилишни истаган, аммо буни амалга ошира олмаган.
Шу билан бирга, «Манчестер Юнайтед» режаларида янги ҳужумчи сотиб олиш ҳам борлиги тасдиқланган. Бироқ аввал хабар берилганидек, клуб форвард трансферини январда эмас, келаси ёзда амалга оширишни режалаштирмоқда.
АПЛдаги беш турдан сўнг «Манчестер Юнайтед» турнир жадвалида 12-ўринни эгаллаб турибди. Майкл Каррик шогирдлари ҳисобида атиги 5 очко бор.
