«Манчестер Юнайтед» ёзда Эдерсонни ўз сафига қўшиб олмоқчи
Футболчининг трансфер қиймати 45 миллион еврони ташкил этмоқда.
ФОТО: Getty images
Англиянинг «Манчестер Юнайтед» клуби ёзги трансфер ойларида «Аталанта» ярим ҳимоячиси Эдерсонни сафга қўшиб олишни режалаштирмоқда.
Футболчига шунингдек Испаниянинг «Атлетико» клуби ҳам қизиқиш билдирган. Бироқ «қизил иблислар» Мадрид клубидан олдинда турибди. Испан клуби Эдерсон учун «Аталанта» талаб қилаётган суммани тўлашга шошилмаяпти, холос. «Манчестер Юнайтед» эса Италия клубининг молиявий талабларини қондиришга тайёрлигини аллақачон билдирган.
Эдерсон «Аталанта» сафида жами 178 та учрашувда иштирок этган, унда 15 та гол урган ва 5 та ассист қайд этган. Transfermarkt маълумотига кўра, футболчининг бозор қиймати 40 млн евро атрофида баҳоланмоқда.
Розикжон Султонмуродов
Журналист