«Манчестер Юнайтед» янги стадион қуриш учун ер сотиб олганини эълон қилди
«Олд Траффорд» стадиони 1910 йилда қурилган ва бир неча бор реконструкция қилинган.
ФОТО: Getty images
«Манчестер Юнайтед» ўзининг Х ижтимоий тармоғидаги саҳифасида 100 минг томошабинга мўлжалланган янги стадион қуриш учун ер сотиб олганини эълон қилди.
Манчестер клуби Буюк Британиядаги энг йирик спорт аренасига айланадиган янги стадион қурилиши учун зарур бўлган ернинг катта қисмини сотиб олди.
Участка майдони 25 акрни (101 минг кв. м) ташкил этади. Ер ҳозирги «Олд Траффорд» стадионидан тахминан 350 метр шимоли-ғарбда жойлашган ва Indurent компаниясидан сотиб олинган.
«Манчестер Юнайтед»нинг ҳозирги «Олд Траффорд» стадиони 1910 йилда қурилган ва бир неча бор реконструкция қилинган. Аренанинг сиғими 74 минг ўриндиқни ташкил этади.
