«Манчестер Юнайтед» ва «Челси» «Ривер Плейт» дарвозабонига қизиқиш билдирмоқда
Аргентинанинг «Ривер Плейт» клубида ҳаракат қилаётган дарвозабон Сантьяго Бельтран Европанинг бир қатор топ-клублари эътиборини тортди. Бу ҳақда футбол инсайдери Экрем Конур маълум қилди.
Журналист маълумотларига кўра, 21 ёшли дарвозабонни «Манчестер Юнайтед», «Челси», Миланнинг «Интер» клуби ва «Порту» ўз сафига қўшиб олиш имкониятини ўрганмоқда.
Бельтраннинг «Ривер Плейт» билан шартномасида товон пули миқдори 21 миллион евро этиб белгиланган. Ушбу банд 2027 йил охирига қадар амал қилади. Аргентина клуби эса футболчини келаси йили сотиш бўйича таклифларни кўриб чиқишга тайёр.
Сантьяго Бельтран 2025 йил январидан буён «Ривер Плейт» шарафини ҳимоя қилиб келмоқда. Дарвозабоннинг клуб билан амалдаги шартномаси 2027 йил декабрь ойи охирига қадар мўлжалланган.
