«Манчестер Юнайтед» тарихи ҳақида ҳужжатли сериал суратга олинади
Англиянинг машҳур «Манчестер Юнайтед» клуби тарихига бағишланган ҳужжатли сериал суратга олиниши режалаштирилмоқда. Бу ҳақда The Athletic нашри хабар берди.
Маълумотларга кўра, лойиҳа устида Lionsgate кинокомпанияси иш олиб боради. Сериал машҳур «Тож» («The Crown») лойиҳаси услубида — яъни реал тарихий воқеаларни драматик ҳикоя форматида тасвирлаш асосида яратилади. Ушбу сериал Буюк Британия қироличаси Елизавета II ҳаётига бағишлангани билан машҳур.
Манбага кўра, агар лойиҳа йирик стриминг платформалардан бири томонидан сотиб олиниб, намойиш этилса, «Манчестер Юнайтед» клуби бир неча миллион доллар миқдорида кафолатланган даромад олади. Ҳозирча сериал ишлаб чиқариш босқичи дастлабки ривожлантириш жараёнида.
Шунингдек, роялти миқдори буюртма қилинган ва суратга олинган мавсумлар сони ҳамда дистрибуция шартномасининг кўламига қараб ошиб бориши мумкин.
