«Манчестер Юнайтед» «Брентфорд» вингери Мбеумо учун 70 миллион евродан ортиқ тўлашга тайёр
Расм: gettyimages.com Брайан Мбеумо
«Брентфорд»нинг қанот ҳужумчиси Брайан Мбеумо «Манчестер Юнайтед» клуби диққат марказига тушди. Бу ҳақда The Telegraph хабар бермоқда.
Манба маълумотига кўра, манкунианликлар 25 ёшли Камерун терма жамоаси футболчиси учун ёздаги трансфер ойнасида кураш олиб боришни режалаштирмоқда. Потенциал битим 70,2 миллион еврога баҳоланмоқда — бу сумма Transfermarkt талқинида 50 миллион евро деб кўрсатилган Мбеумонинг бозор қийматидан анча юқори.
2024/25 йилги мавсумда Мбеумо барча мусобақаларда 39 та ўйинда иштирок этиб, 18 та гол урди ва 7 та голли узатма амалга оширди. У АПЛдаги энг самарали вингерлардан бири эканини яна бир бор тасдиқлади. Футболчининг «Брентфорд» билан амалдаги шартномаси 2026 йил ёзигача мўлжалланган.
Бакрадзе Иман
Редактор
