Manchester Yunayted «Brentford» vingeri Mbeumo uchun 70 million yevrodan ortiq to'lashga tayyor

«Brentford»ning qanot hujumchisi Bryan Mbeumo «Manchester Yunayted» klubining diqqat markazida. Bu haqda The Telegraph xabar bermoqda.

Manbaga ko'ra, mankunianliklar 25 yoshli Kamerun terma jamoasi futbolchisi uchun yozgi transfer oynasida kurash olib borishni rejalashtirmoqda. Potensial bitim 70,2 million yevroga baholanmoqda — bu summa Transfermarkt versiyasida 50 million yevro deb ko'rsatilgan Mbeumoning bozor qiymatidan ancha yuqori.

2024/25 yilgi mavsumda Mbeumo barcha musobaqalarda 39 ta o'yinda ishtirok etib, 18 ta gol urdi va 7 ta golli uzatma amalga oshirdi. U yana bir bor APLdagi eng samarali vingerlardan biri ekanini isbotladi. Futbolchining «Brentford» bilan amaldagi shartnomasi 2026 yil yozigacha mo'ljallangan.

Bakradze Iman

Redaktor