«Манчестер Юнайтед» АҚШ терма жамоаси яримҳимоячисига кўз тикди — Daily Mail
Футболчининг клуб билан амалдаги шартномаси 2028 йилнинг ёзига қадар мўлжалланган.
ФОТО: Getty images
«Манчестер Юнайтед» АҚШ терма жамоаси ва «Борнмут» клуби яримҳимоячиси Тайлер Адамсга қизиқиш билдирмоқда. Бу ҳақда Daily Mail хабар берди.
Манбага кўра, «қизил иблислар» лагерида 27 ёшли футболчининг ўйини юқори баҳоланган. Клуб таҳлилчилари таъкидлашича, айрим жиҳатлар бўйича Адамснинг статистик кўрсаткичлари «Олтин тўп» соҳиби Родриникига тенг ёки ундан ҳам юқоридир.
Ўтган мавсумда Адамс барча турнирларда 26 та учрашувда майдонга тушиб, 2 та гол ва 2 та голли узатмага муаллифлик қилди. Футболчининг клуб билан амалдаги шартномаси 2028 йилнинг ёзига қадар мўлжалланган.
Transfermarkt портали маълумотларига кўра, футболчининг бозор қиймати 25 миллион еврони ташкил этади.
Розикжон Султонмуродов
Журналист