«Манчестер Юнайтед» Антуан Семеньо учун курашга қўшилди

«Манчестер Юнайтед» жамоаси «Борнмут» ҳужумчиси Антуан Семеньо трансфери учун «Ливерпуль», «Арсенал» ва «Манчестер Сити»дан олдин ҳаракат бошлашни режалаштирмоқда. Бу ҳақда Caught Offside хабар берди.

Манба маълумотига кўра, «Борнмут» 25 ёшли футболчини сотиш ниятида эмас. Бироқ унинг трансфер нархи 65–80 миллион фунт стерлинг атрофида бўлиши мумкин.

Жорий мавсумда Семеньо барча мусобақаларда 12 та ўйинда майдонга тушиб, 6 та гол урди ва 3 та голли узатма амалга оширди. Ҳужумчининг клуб билан амалдаги шартномаси 2030 йилнинг ёзигача мўлжалланган.

Transfermarkt маълумотларига кўра, унинг бозор қиймати 55 миллион еврога баҳоланмоқда.

Насрулло Каримов

Журналист