«Манчестер Сити»нинг янги мавсум учун уй либосини намойиш этди
Жамоа Puma брендидан фойдаланади.
ФОТО: Getty images
Англиянинг “Манчестер Сити” клуби Puma бренди билан ҳамкорликда 2026/2027 йилги мавсум учун янги уй формасини тақдим этди.
Янги дизайн “Сити”нинг доимий равишда янгиликка интилиши ва ноодатий ечимларни оддий ҳолатга айлантира олиш ғоясини акс эттиради. Футболка осмонранг градиент услубида ишланган: елка қисмида тўқроқ рангдан бошланиб, пастга қараб тобора оч тусга ўтади. Шунингдек, формада металл услубидаги монохром логотип ва ҳомий элементлари қўлланган.
Айни пайтда “шаҳарликлар” Англия Премьер-лигасида 37 турдан сўнг 78 очко жамғариб, иккинчи ўринни эгаллаб турибди. Жамоа чемпионликни қўлга киритган “Арсенал”дан 4 очкога ортда қолмоқда.
Розикжон Султонмуродов
Журналист
