«Манчестер Сити» ЖЧ-2026га энг кўп футболчи юборган клубга айланди
“Манчестер Сити” 2026 йилги жаҳон чемпионатига энг кўп футболчи юборган клубга айланди. “Шаҳарликлар” таркибидан турнирда 12 та терма жамоа шарафини ҳимоя қилувчи 19 нафар футболчи иштирок этади.
Жаҳон чемпионатига энг кўп футболчи юборган топ-5 клублар қуйидагича кўринишга эга:
1. “Манчестер Сити” — 19 футболчи, 12 терма жамоа;
2. “Бавария” — 18 футболчи, 10 терма жамоа;
3. “Арсенал” — 16 футболчи, 10 терма жамоа;
4. “ПСЖ” — 16 футболчи, тўққизта терма жамоа;
5. “Барселона” — 15 футболчи, саккизта терма жамоа.
Мадриднинг “Реал” клуби тўққизта терма жамоага 10 нафар футболчи юбориб, 13-ўринни эгаллади.
Футбол бўйича жаҳон чемпионати 2026 йилнинг 11-июнидан 19-июлига қадар уч мамлакатда: АҚШ, Канада ва Мексикада бўлиб ўтади. Бу бир йўла учта давлат мезбонлик қиладиган илк чемпионатдир. Умумий ҳисобда 104 та ўйин ўтказилиши режалаштирилган бўлиб, турнирда 48 та терма жамоа иштирок этади.
