«Manchester Siti» JCH-2026ga eng ko‘p futbolchi yuborgan klubga aylandi
“Manchester Siti” 2026-yilgi jahon chempionatiga eng koʻp futbolchi yuborgan klubga aylandi. “Shaharliklar” tarkibidan turnirda 12 ta terma jamoa sharafini himoya qiluvchi 19 nafar futbolchi ishtirok etadi.
Jahon chempionatiga eng koʻp futbolchi yuborgan top-5 klublar quyidagicha koʻrinishga ega:
1. “Manchester Siti” — 19 futbolchi, 12 terma jamoa;
2. “Bavariya” — 18 futbolchi, 10 terma jamoa;
3. “Arsenal” — 16 futbolchi, 10 terma jamoa;
4. “PSJ” — 16 futbolchi, toʻqqizta terma jamoa;
5. “Barselona” — 15 futbolchi, sakkizta terma jamoa.
Madridning “Real” klubi toʻqqizta terma jamoaga 10 nafar futbolchi yuborib, 13-oʻrinni egalladi.
Futbol boʻyicha jahon chempionati 2026-yilning 11-iyunidan 19-iyuliga qadar uch mamlakatda: AQSh, Kanada va Meksikada boʻlib oʻtadi. Bu bir yoʻla uchta davlat mezbonlik qiladigan ilk chempionatdir. Umumiy hisobda 104 ta oʻyin oʻtkazilishi rejalashtirilgan boʻlib, turnirda 48 ta terma jamoa ishtirok etadi.
