“Манчестер Сити” Жанубий Кореяда ишончли ғалабага эришди

“Манчестер Сити” Жанубий Кореяда К-лига юлдузларидан тузилган жамоага қарши ўртоқлик учрашуви ўтказиб, 3:1 ҳисобида ғалаба қозонди.

Сеулдаги “Seoul World Cup” стадионида ўтган баҳсда барча голлар биринчи бўлимда урилди. 9-дақиқада Раян Айт-Нури ҳисобни очган бўлса, орадан уч дақиқа ўтиб Ким Те Вон мувозанатни тиклади.

Бироқ “шаҳарликлар” тез орада яна устунликни қўлга киритди. 20-дақиқада Теяни Рейндэрс, 23-дақиқада эса Дивин Мубама гол уриб, якуний ҳисобни ўрнатди — 3:1.

Шу тариқа, “Манчестер Сити” мавсумолди тайёргарлик доирасидаги навбатдаги учрашувини ишончли ғалаба билан якунлади.

Насрулло Каримов

Журналист

0 0 0 0 0 0