“Manchester Siti” Janubiy Koreyada ishonchli g‘alabaga erishdi

“Manchester Siti” Janubiy Koreyada K-liga yulduzlaridan tuzilgan jamoaga qarshi o‘rtoqlik uchrashuvi o‘tkazib, 3:1 hisobida g‘alaba qozondi.

Seuldagi “Seoul World Cup” stadionida o‘tgan bahsda barcha gollar birinchi bo‘limda urildi. 9-daqiqada Rayan Ait-Nuri hisobni ochgan bo‘lsa, oradan uch daqiqa o‘tib Kim Te Von muvozanatni tikladi.

Biroq “shaharliklar” tez orada yana ustunlikni qo‘lga kiritdi. 20-daqiqada Teyani Reynders, 23-daqiqada esa Divin Mubama gol urib, yakuniy hisobni o‘rnatdi — 3:1.

Shu tariqa, “Manchester Siti” mavsumoldi tayyorgarligi doirasidagi navbatdagi uchrashuvini ishonchli g‘alaba bilan yakunladi.

Nasrullo Karimov

Jurnalist

0 0 0 0 0 0