“Манчестер Сити” ярим ҳимоячиси “Ньюкасл”га ўтишга яқин
“Манчестер Сити” ярим ҳимоячиси Николас Гонсалес фаолиятини “Ньюкасл”да давом эттириши мумкин. Клублар аргентиналик футболчининг трансфери бўйича музокараларни фаол давом эттирмоқда.
Манбаларга кўра, “Ньюкасл” 24 ёшли футболчини сотиб олиш бўйича “Манчестер Сити” билан келишувга эришишга яқин. Трансфер суммаcи бонусларни ҳисобга олмаганда 50 миллион фунт атрофида бўлиши мумкин.
Гонсалес 2025 йил январда “Порту”дан “Манчестер Сити”га кўчиб ўтган. У жамоа сафида 2025/26 йилги мавсумда барча мусобақаларда 37 та учрашувда майдонга тушиб, 3 та гол урган.
Маълумот учун, Гонсалеснинг “Манчестер Сити” билан амалдаги шартномаси 2029 йил ёзигача мўлжалланган. “Ньюкасл” футболчини таркибдаги марказий ярим ҳимоя позициясини кучайтириш учун асосий номзодлардан бири сифатида кўрмоқда.
