«Манчестер Сити» Рубен Диаш билан шартномани узайтирди
Фото: Манчестер Сити
“Манчестер Сити” ҳимоячи Рубен Диаш билан шартнома муддатини узайтирди. Бу ҳақда клуб расмий сайти хабар берди.
28 ёшли футболчи “шаҳарликлар” билан келишувни 2029 йил ёзигача узайтирди. Аввалги шартнома 2027 йилгача мўлжалланганди.
Маълумот учун, Португалия терма жамоаси аъзоси “Сити”га 2020 йили 71,6 миллион евро эвазига “Бенфика”дан ўтганди.
У Манчестер клуби билан 5 йил ичида 4 бор АПЛ чемпионлигини қўлга киритди.
Диаш ўтган мавсумда Англия Премьер-лигада 27 ўйин ўтказиб, 4 бор сариқ карточка олган.
Розикжон Султонмуродов
Журналист
