“Манчестер Сити” Коди Гакпо учун курашга қўшилди

“Манчестер Сити” “Ливерпуль” ҳужумчиси Коди Гакпони трансфер қилиш имкониятини кўриб чиқмоқда. Бу ҳақда журналист Ekrem Konur маълум қилди.

Манбага кўра, “шаҳарликлар” нидерландиялик футболчи учун курашда “Тоттенхэм”га рақобатчи бўлиши мумкин. Лондон клуби ҳам анчадан буён Гакпони ўз сафига қўшишга қизиқиш билдирмоқда.

“Ливерпуль” 27 ёшли футболчисини тахминан 87,7 миллион еврога баҳолаётгани айтилмоқда. Transfermarkt эса Гакпонинг бозор қийматини 60 миллион евро деб кўрсатмоқда.

Маълумот учун, Гакпо янги АПЛ мавсумида бир учрашувда майдонга тушиб, битта гол урган. Унинг “Ливерпуль” билан амалдаги шартномаси 2030 йилгача мўлжалланган.

Насрулло Каримов

Журналист

0 0 0 0 0 0