«Манчестер Сити» Кевин Де Брюйне шарафига «Этихад» стадиони ёнида ҳайкал ўрнатади
Расм: gettyimages.com
«Манчестер Сити» клуби ўз тарихида катта из қолдирган бельгиялик ярим ҳимоячи Кевин Де Брюйнега ҳурмат рамзи сифатида «Этихад» стадиони ёнида ҳайкал ўрнатишни режалаштирмоқда. Монумент стадионнинг бош дарвозаси яқинида жойлашади.
Кевин 2015 йилда «Сити» сафини тўлдирган ва шу пайтгача жамоа билан 18 та трофейни қўлга киритган, жумладан, интиқлик билан кутилган Чемпионлар лигаси ва Клублар ўртасидаги жаҳон чемпионатидаги ғалабаларни. Шунингдек, у 2020 ва 2022 йилларда жамоанинг энг яхши футболчиси деб тан олинган.
33 ёшли футболчининг клуб билан тузган шартномаси 2024/2025 йилги мавсум якунланиши билан тугайди ва у эркин агентга айланади. Маълумотларга кўра, Италиянинг «Наполи» клуби уни ўз сафига қўшиб олишга қизиқиш билдирмоқда.
Бакрадзе Иман
Редактор
