Manchester City Kevin De Bruyne sharafiga Etihad stadioni yonida haykal o‘rnatadi
Manchester City klubi o‘z tarixida katta iz qoldirgan belgiyalik yarim himoyachi Kevin De Bruynega hurmat ramzi sifatida Etihad stadioni yonida haykal o‘rnatishni rejalashtirmoqda. Monument stadionning bosh darvozasi yaqinida joylashadi.
Kevin 2015 yilda "City" safini to‘ldirgan va shu paytgacha jamoa bilan 18 ta sovrinni qo‘lga kiritgan, jumladan, intiqlik bilan kutilgan Chempionlar ligasi va Klublar o‘rtasidagi jahon chempionatidagi g‘alabalarni. Shuningdek, u 2020 va 2022 yillarda jamoaning eng yaxshi futbolchisi deb tan olingan.
33 yoshli futbolchining klub bilan tuzgan shartnomasi 2024/2025 yilgi mavsum yakunlanishi bilan tugaydi va u erkin agentga aylanadi. Ma'lumotlarga ko‘ra, Italiya klubi Napoli uni o‘z safiga qo‘shib olishga qiziqish bildirmoqda.
