«Манчестер Сити» Дьюсбери-Холлни ўз сафига қўшиб олмоқчи
Дьюсбери-Холлнинг "Эвертон" билан шартномаси 2030 йилгача мўлжалланган.
ФОТО: Getty images
"Эвертон" марказий ярим ҳимоячиси Кирнан Дьюсбери-Холл фаолиятини "Манчестер Сити"да давом эттириши мумкин. Бу ҳақда Fichajes нашри хабар берди.
Манбага кўра, 27 ёшли хавбекни "Манчестер Сити" ўз сафига қўшиб олмоқчи.
Қайд этилишича, "шаҳарликлар" футболчини "Эвертон"га ўтишидан олдинроқ кузата бошлаган ва ҳамон уни юқори баҳоламоқда. Потенциал битим қиймати тахминан 46 миллион еврони ташкил қилиши мумкин.
Жорий мавсум у Англия премьер-лигасида 18 та ўйинда иштирок этиб, 5 та гол урди ва 4 та голли узатмани ўз ҳисобига ёздириб қўйди. Дьюсбери-Холлнинг "Эвертон" билан шартномаси 2030 йилгача мўлжалланган. Transfermarkt экспертлари футболчининг нархини 28 миллион еврога баҳоламоқда.
Розикжон Султонмуродов
Журналист