«Манчестер Сити» Доку билан шартномани узайтиришга яқин
Футболчининг маоши оширилади.
ФОТО: Getty images
Англиянинг “Манчестер Сити” клуби 24 ёшли қанот ҳужумчиси Жереми Доку билан шартномани узайтиришга яқин. Инсайдер Николо Скиранинг хабар беришича, белгиялик футболчи “шаҳарликлар” билан янги шартнома имзолаш арафасида турибди ва унга кўра футболчининг маоши оширилади.
Манбага кўра, янги шартнома 2031 йилнинг ёзига қадар мўлжалланган. Футболчи билан амалдаги келишув 2028 йилнинг ёзида ўз ниҳоясига етади.
Доку 2023 йилнинг август ойидан буён “Манчестер Сити” сафида тўп суради.
Якунланган мавсумда белгиялик футболчи барча мусобақаларда клуб сафида 47 та ўйинда майдонга тушиб, ўз ҳисобига саккизта гол ва 14 та голли узатмани ёздириб қўйди.
Розикжон Султонмуродов
Журналист
