“Манчестер Сити” Де Брюйне ўрнига иккита номзодни кўриб чиқмоқда
“Манчестер Сити” жорий мавсум охирида жамоани тарк этадиган Кевин Де Брюйне ўрнига муқобил вариантларни кўриб чиқмоқда. Бу ҳақда The Athletic нашри хабар берди.
Манбага кўра, “шаҳарликлар” “Ноттингем Форест”нинг 25 ёшли ярим ҳимоячиси Морган Гиббс-Уайт ва “Байер”нинг 21 ёшли футболчиси Флориан Вирцга қизиқиш билдирмоқда.
Қайд этилишича, “Манчестер Сити” бельгиялик футболчининг ўрнини тўлдириш учун жамоанинг ички ресурсларига ҳам мурожаат қилиши мумкин. Фил Фоден Де Брюйненинг вазифасини бажаришга қодир футболчи сифатида кўрилмоқда.
Маълумот учун, Флориан Вирц жорий мавсум барча турнирларда 39 та ўйинда майдонга тушиб, 15 та гол урди ва 13 та голли узатмани амалга оширди. Гиббс-Уайт эса 30 та ўйин ўтказиб, 5 та гол ва 9 та голли узатмага муаллифлик қилди.
