«Манчестер Сити» Андерсоннинг трансферига 130 млн фунт таклиф қилади — The Sun
«Манчестер Сити» «Ноттингем Форест» ярим ҳимоячиси Эллиот Андерсоннинг трансфери бўйича музокараларнинг якуний босқичида турибди. Бу ҳақда The Sun нашрининг хабар берди.
23 ёшли футболчининг трансфер суммаси тахминан 130 млн фунт стерлингни (тахминан 150 млн евро) ташкил этади, бу эса британиялик ўйинчилар учун янги трансфер рекорди бўлади.
Аввалроқ «Ноттингем Форест» раҳбарияти «шаҳарликлар»нинг иккита таклифини рад этган, уларнинг охиргиси 120 млн фунт стерлинг (тахминан 138,5 млн евро) эди.
Айни пайтда клублар тўловлар таркиби бўйича асосий келишмовчиликларни ҳал қилишди. «Манчестер Сити» ўйинчи учун тиббий кўрикни АҚШнинг ўзида ташкил этишни режалаштирмоқда, Андерсон ҳозирда у ерда Англия терма жамоаси сафида ЖЧ—2026 да иштирок этмоқда.
«Манчестер Сити»да Андерсонни ушбу трансфер ойнасида клубни тарк этган португалиялик Бернарду Силванинг узоқ муддатли ўринбосари сифатида кўришмоқда. Келишув «Ноттингем Форест» тиббий кўрик ўтказишга якуний розилик берганидан сўнг яқин вақт ичида расман якунланиши кутилмоқда