«Манчестер Сити» Андерсон учун таклиф юборди

Англиянинг “Манчестер Сити” клуби “Ноттингем Форест” ярим ҳимоячиси Эллиот Андерсон трансфери бўйича дастлабки таклиф юборди. Бу ҳақда The Athletic маълум қилди.

Бироқ “ўрмончилар” манкунианликлар таклифини рад этди. Шунга қарамай, “шаҳарликлар”нинг 23 ёшли футболчига қизиқиши сақланиб қолмоқда ва музокаралар давом этмоқда.

Манбага кўра, “Ноттингем Форест”да Андерсон учун “Арсенал” клуби “Вест Хэм”дан Деклан Райс трансфери учун тўлаган 105 миллион фунтдан ҳам юқори маблағни талаб қилмоқда.

2025/26 мавсумда Андерсон “Ноттингем Форест” сафида барча турнирларда 50 ўйинда майдонга тушиб, 4 та гол ва 5 та ассист қайд этди.

Шунингдек, у Англия терма жамоаси таркибида ЖЧ–2026да иштирок этади.

Розикжон Султонмуродов

Журналист