«Манчестер Сити» Андерсон учун асосий даъвогар
Футболчининг клуб билан амалдаги меҳнат шартномаси 2029 йилнинг ёзига қадар мўлжалланган.
ФОТО: Getty images
"Манчестер Сити" "Ноттингем Форест" ярим ҳимоячиси Эллиот Андерсонни 2026 йилдаги асосий трансфер мақсадларидан бирига айлантиришга тайёр, дея хабар беради Daily Mail нашри.
Манбага кўра, "шаҳарликлар"га "Манчестер Юнайтед" ва "Ливерпул" рақиблик қилиши мумкин.
“Ўрмончилар” 23 ёшли футболчи учун 100 миллион фунт стерлинг (114 миллион евро) бўлган таклифларни кўриб чиқишга тайёр.
Жорий мавсумда Андерсон барча мусобақаларда 16 та учрашувда майдонга тушиб, гол урди ва голли узатма берди.
Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Трансфермаркт порталида берилган маълумотларга кўра, футболчининг бозор нархи 45 миллион еврони ташкил қилади.
Розикжон Султонмуродов
Журналист