Манба: Жозе Моуриньо учта ўйинга дисквалификация қилинди
Туркия футбол федерацияси тартиб-интизом қўмитаси “Фенербахче” бош мураббийи Жозе Моуриньони 3 та ўйинга дисквалификация қилишга қарор қилди. Бу ҳақда инсайдер Ягиз Сабунчуўғлу хабар бермоқда.
Эслатиб ўтамиз, Туркия кубоги чорак финалида “Галатасарой”дан учралган мағлубиятдан сўнг (1:2) португалиялик мутахассис рақиб жамоа мураббийи Окан Бурукнинг бурнига ҳужум қилганди.
Туркия тартиб-интизом қўмитаси Бурукнинг ушбу вазиятдаги хатти-ҳаракатларини провокацион деб топилгани учун Моуриньога нисбатан енгилроқ жазо қўллашга қарор қилди.
Маълумот учун, “Галатасарой” Туркия Суперлигасининг 28-туридан сўнг 72 очко жамғарган ҳолда турнир жадвалида пешқадамлик қилмоқда. Моуриньо бошқарувидаги “Фенербахче” эса 27 ўйиндан сўнг 65 очко тўплаб, иккинчи ўринни эгаллаб турибди.
