Manba: Joze Mourinyo uchta o'yinga diskvalifikatsiya qilindi
Turkiya futbol federatsiyasi tartib-intizom qo'mitasi “Fenerbaxche” bosh murabbiyi Joze Mourinyoni 3 ta o'yinga diskvalifikatsiya qilishga qaror qildi. Bu haqda insayder Yag'iz Sabunchuog'lu xabar bermoqda.
Eslatib o'tamiz, Turkiya kubogi chorak finalida “Galatasaroy”dan uchralgan mag'lubiyatdan so'ng (1:2) portugaliyalik mutaxassis raqib jamoa murabbiyi Okan Burukning burniga hujum qilgandi.
Turkiya tartib-intizom qo'mitasi Burukning ushbu vaziyatdagi xatti-harakatlarini provokatsion deb topilgani uchun Mourinyoga nisbatan yengilroq jazo qo'llashga qaror qildi.
Ma'lumot uchun, “Galatasaroy” Turkiya Superligasining 28-turidan so'ng 72 ochko jamg'argan holda turnir jadvalida peshqadamlik qilmoqda. Mourinyo boshqaruvidagi “Fenerbaxche” esa 27 o'yindan so'ng 65 ochko to'plab, ikkinchi o'rinni egallab turibdi.
