Манба: Тен Ҳаг «Вулверхэмптон» бош мураббийига айланиши мумкин
«Бўрилар» аввалроқ Витор Перейрани лавозимидан озод этганди.
ФОТО: Getty Images
«Манчестер Юнайтед» собиқ бош мураббийи Эрик тен Ҳаг фаолиятини «Вулверхэмптон»да давом эттириши мумкин. Бу ҳақда talkSPORT нашри хабар бермоқда.
Манбага кўра, клуб раҳбарияти бир нечта номзодларни кўриб чиқмоқда. Улар орасида Бренден Рожерс, Оле-Гуннар Сульшер, Стивен Жеррард, Френк Лемпард ва Серхиу Консейсау ҳам бор.
Эслатиб ўтамиз, «бўрилар» аввалроқ Витор Перейрани лавозимидан озод этганди.
Маълумот учун, «Вулверхэмптон» жорий мавсум АПЛда 10-турдан сўнг 2 очко жамғарган ҳолда турнир жадвалида 20-ўринда бормоқда.
Насрулло Каримов
Журналист