Манба: Спалетти «Ювентус» билан келишувга эришди

Италиялик мутахассис Лучано Спалетти Туриннинг «Ювентус» клубини бошқаришга яқин турибди. Бу ҳақда журналист Жанлука Ди Марцио хабар бермоқда.

Манбага кўра, 66 ёшли мураббий «зебралар» билан 2026 йилнинг ёзига қадар мўлжалланган шартнома бўйича келишувга эришган.

Қайд этилишича, шартномада жамоа Чемпионлар лигасига йўлланма олса, уни яна бир йилга узайтириш банди ҳам мавжуд. Битимнинг тўлиқ расмийлаштирилиши 29 октябрь куни якунланиши кутилмоқда.

Эслатиб ўтамиз, Спалеттининг сўнгги иш жойи Италия миллий жамоаси бўлиб, у бу жамоани 2023 йилнинг сентябридан 2025 йилнинг июнига қадар бошқарган. Шунингдек, мутахассис аввалроқ «Наполи», «Интер» ва «Рома» клубларида ҳам фаолият юритган.

Насрулло Каримов

Журналист