Манба: “Реал” Родригони 100 миллион евроға сотиши мумкин
ФОТО: Getty Images
Мадриднинг “Реал” клуби ҳужумчи Родригони ёзги трансферлар вақтида 90-100 миллион евроға қўйиб юбориши мумкин. Бу ҳақда журналист Бен Жейкобс хабар бермоқда.
Манбага кўра, бразилиялик футболчига “Арсенал”, “Ливерпул” ва “Челси” клублари қизиқиш билдирмоқда. Бироқ бу жамоаларнинг ҳозирча “Реал” раҳбариятига Родриго бўйича ҳеч қандай таклиф билан чиққан эмас.
Эслатиб ўтамиз, аввалроқ 24 ёшли вингерга Саудия Арабистонининг “Ал-Ҳилол” клуби ҳам қизиқиш билдираётганди.
Маълумот учун, Родриго жорий мавсум барча турнирларда 50 та ўйинда майдонга тушиб, 13 та гол урди ва 10 та голли узатмани амалга оширди. Унинг Transfermarkt'даги нархи 100 миллион евроға баҳоланмоқда.
Насрулло Каримов
Журналист
