Манба: Моуриньо — «Реал» бош мураббийи

Мадриднинг «Реал» клуби Жозе Моуриньони жамоа бош мураббийи лавозимига тайинлаш бўйича келишувга эришди. Томонлар ўртасида келишув тўлиқ якунланган. Бу ҳақда инсайдер Саша Тавольери ижтимоий тармоқларда хабар берди.

Манбага кўра, Моуриньонинг «Реал» бош мураббийи сифатида расман эълон қилиниши келаси ҳафтада амалга оширилади.

Эслатиб ўтамиз, Жозе Моуриньо илгари 2010–2013 йилларда «Реал»ни бошқарган. Мадридлик клуб билан у Испания чемпионати ғолиблигини, шунингдек, Кубок ва Суперкубокни қўлга киритган. Ҳозирда мутахассис Лиссабоннинг «Бенфика» жамоасида ишлаб келмоқда, ва нашрлар хабар беришича, клуб Жозе Моуриньони «Реал»га ўтишга рози бўлган.

Розикжон Султонмуродов

Журналист