“Ман. Юнайтед” Решфордни “Реал”га таклиф қилди
Англиянинг “Манчестер Юнайтед” клуби “Реал”га 27 ёшли ҳужумчи Маркус Решфордни сотиб олишни таклиф қилди. Бу ҳақда Defense Central нашри хабар бермоқда.
Манбага кўра, “қизил иблислар” англиялик футболчини сотишдан 40 миллион евро ишлаб олмоқчи. Испания гранди ҳақиқатан ҳам соф ҳужумчи қидирмоқда, бироқ Решфорд уларга тўғри келмайди, чунки “Реал” Хоселу каби форвард билан шартнома имзоламоқчи.
Таъкидланишича, МЮ бош мураббийи Рубен Аморим 27 ёшли ҳужумчини ўз режаларига киритмаган, шу сабабдан у сотувга қўйилган. “Барселона” Решфордга қизиқиш билдирган, бироқ унинг трансфери учун 40 миллион евро тўлашга тайёр эмас.
Маълумот учун, Решфорд ўтган мавсумнинг иккинчи ярмини ижара асосида “Астон Вилла”да ўтказди. Англиялик форвард Бирмингем клуби сафида 17 та ўйин ўтказиб, 4 та гол урди ва 6 та голли узатмани амалга оширди.
