«Ман Сити» жорий мавсумда илк бор АПЛ турнир жадвалида биринчи ўринда қайд этилди
«Манчестер Сити» Англия чемпионатининг 34-турида «Бёрнли»ни мағлуб этди (1:0) ва жорий мавсумнинг 1-туридан буён илк бор Премьер-лига турнир жадвалида биринчи ўринга кўтарилиб олди.
Пеп Гвардиола жамоаси ва Лондоннинг «Арсенал» клуби ҳисобида 70 тадан очко мавжуд, бироқ «Манчестер Сити» урилган гулларнинг кўплиги (66 га 63) эвазига юқори поғонани эгаллаб турибди. Эътиборли жиҳати шундаки, «Сити» ва «Арсенал»да тўплар нисбати бир хил (+37).
Бундан бир неча тур аввал «тўпчилар» ўз рақибидан саккиз очко олдинда бораётган эди, бироқ лигадаги охирги икки ўйинда, жумладан, «Манчестер Сити»га қарши баҳсда имкониятни бой бериб, бу устунликни қўлдан чиқаришди.
Эндиликда жамоалар Премьер-лигада яна бештадан ўйин ўтказишлари керак. Маълумот учун, «Ливерпуль» Англиянинг амалдаги чемпиони ҳисобланади, «Манчестер Сити» эса турнирда 2023/2024 йилги мавсумда ғолиб чиққан эди. «Арсенал» сўнгги бор 2004 йилда мамлакат чемпионилигини қўлга киритган.
