«Ман Сити» мухлислари «Реал»га қарши ўйин пайтида Трентга нисбатан ҳақоратли сўзлар айтишди
UEFA Чемпионлар Лигасининг 1/8 финали доирасидан ўрин олган «Манчестер Сити» ва «Реал» жамоалари ўртасидаги жавоб учрашуви вақтида мезбон мухлислар меҳмонлар ҳимоячиси Трент Александр-Арнолдга нисбатан ҳақоратли ҳайқириқлар ишлатишди. Бу ҳақда The Touchline нашри хабар бермоқда.
Манбанинг таъкидлашича, «шахарликлар» ишқибозлари «Ливерпул»нинг собиқ аъзосига қарата «Сен скаузер вишшагисан!» (You're a Scouse bastard!) дея ҳайқиришган. Трент «Ливерпул» академияси тарбияланувчиси бўлиб, 2016 йилдан буён Мерсисайд клубининг асосий жамоасида тўп суриб келган ва фақат 2025 йилга келибгина «Реал» сафига бориб қўшилган эди.
Учрашувнинг якуний натижасига кўра, Мадриднинг «Реал» клуби 2:1 ҳисобида ғалаба қозонди. Ўйиндаги голларга «Реал»дан Винисиус Жуниор (дубль), «Манчестер Сити»дан эса Эрлинг Холанд муаллифлик қилди. Шунингдек, учрашувнинг 21-дақиқасида мезбонлар сардори Бернарду Силва қизил карточка олиб, майдонни тарк этди.
Мадриддаги биринчи ўйинда қайд этилган 3:0 ҳисобидаги ғалаба билан биргаликда, «қироллик клуби» икки ўйин натижасига кўра 5:1 ҳисобида устун келди ва чорак финал йўлламасини қўлга киритди.
