«Man Siti» muxlislari «Real»ga qarshi oʻyin paytida Trentga nisbatan haqoratli soʻzlar aytishdi
UEFA Chempionlar Ligasining 1/8 finali doirasidan oʻrin olgan «Manchester Siti» va «Real» jamoalari o‘rtasidagi javob uchrashuvi vaqtida mezbon muxlislar mehmonlar himoyachisi Trent Aleksander-Arnoldga nisbatan haqoratli hayqiriqlar ishlatishdi. Bu haqda The Touchline nashri xabar bermoqda.
Manbaning ta’kidlashicha, «shaharliklar» ishqibozlari «Liverpul»ning sobiq a’zosiga qarata «Sen skauzer vishshagisan!» (You're a Scouse bastard!) deya hayqirishgan. Trent «Liverpul» akademiyasi tarbiyalanuvchisi bo‘lib, 2016 yildan buyon Mersisayd klubining asosiy jamoasida to‘p surib kelgan va faqat 2025 yilga kelibgina «Real» safiga borib qo‘shilgan edi.
Uchrashuvning yakuniy natijasiga ko‘ra, Madridning «Real» klubi 2:1 hisobida g‘alaba qozondi. O‘yindagi gollarga «Real»dan Vinisius Junior (dubl), «Manchester Siti»dan esa Erling Holand mualliflik qildi. Shuningdek, uchrashuvning 21-daqiqasida mezbonlar sardori Bernardu Silva qizil kartochka olib, maydonni tark etdi.
Madriddagi birinchi o‘yinda qayd etilgan 3:0 hisobidagi g‘alaba bilan birgalikda, «qirollik klubi» ikki o‘yin natijasiga ko‘ra 5:1 hisobida ustun keldi va chorak final yo‘llanmasini qo‘lga kiritdi.
