«Ман Сити» кетма-кет 13 ўйиндан бери «Челси»га ютқазмаяпти
Сўнгги бор лондонликлар 2020/2021 йилда ЁЧЛ финалида «шаҳарликлар»ни мағлуб этганди.
ФОТО: Getty Images
«Манчестер Сити» Англия Премьер-лигасининг 20-тури доирасида «Челси» билан дуранг ўйнади. Манчестерда бўлиб ўтган учрашув 1:1 ҳисоби билан якунланди. Шу тариқа, «шаҳарликлар» кетма-кет 13 учрашувдирки, «Челси»га ютқазмаяпти — 8 та ғалаба ва 5 та дуранг.
«Манчестер Сити»нинг «Челси»дан сўнгги мағлубияти 2020/2021 йилги Чемпионлар лигаси финалига тўғри келади. Ўшанда лондонликлар 1:0 ҳисоби билан ғалаба қозонган эди.
Ҳозирда «Манчестер Сити» 42 очко билан Премьер-лига турнир жадвалида иккинчи ўринни эгаллаб турибди. Жамоа етакчи «Арсенал»дан 6 очко орқада қолмоқда.
Навбатдаги турда «шаҳарликлар» 7 январ куни ўз майдонида «Брайтон»ни қабул қилади.
Насрулло Каримов
Журналист