«Ман Сити» қишки трансферлар вақтида «Борнмут» ҳужумчисини харид қилмоқчи
«Шаҳарликлар» ушбу харид учун 74 миллион евро тўлаши мумкин.
ФОТО: Getty Images
«Манчестер Сити» қишки трансфер ойнасида ҳужум чизиғини кучайтириш масаласини кўриб чиқмоқда. The Times нашрининг ёзишича, «шаҳарликлар» январ ойида «Борнмут» ҳужумчиси Антуан Семеньони сотиб олиш вариантини ўрганмоқда.
Манбага кўра, «Манчестер Сити» Гана миллий жамоаси вингерининг шартномасида белгиланган сотиб олиш опциясини фаоллаштириши мумкин. Бундай ҳолда, клуб футболчи учун қарийб 74 миллион евро тўлайди.
Семеньо 2023 йилнинг январидан бери «Борнмут» сафида тўп сурмоқда. Бунгача у Англия Премьер-лигасига «Бристол Сити»дан 10,25 миллион евро эвазига келиб қўшилган эди. Жорий мавсумда форвард 12 та чемпионат ўйинида майдонга тушиб, олти гол ва учта голли узатма қайд этди.
Насрулло Каримов
Журналист
