Маҳмуд Махамаджонов — «Динамо» Махачқала клубига трансфер қилинди
Маҳмуд Махамаджонов — «Динамо» Махачқала клубига трансфер қилинди!
«Андижон» клубининг 23 ёшли қанот ҳимоячиси Маҳмуд Махамаджонов Россия премер-лигаси иштирокчиси — Махачқаланинг «Динамо» клубига трансфер қилинди.
Футболчининг трансфер қиймати 250 минг долларга баҳоланди.
Маҳмуд Махамаджонов жамоамиз сафига жорий йил бошида қўшилган эди. У «Андижон» таркибида Суперлигада 19 та учрашувда майдонга тушиб, 1 та голли узатма амалга оширди. Ўзбекистон Кубоги баҳсларида эса 3 та учрашувда иштирок этиб, 2 та голли узатмани бажарди ва мухлислар қалбидан жой эгаллади. Умумий ҳисобда, “Бургутлар” сафида ўтган вақт давомида барча – 22 та учрашувда майдонга тушди.
Маҳмуд Махамаджоновга жамоамиз сафидаги фаолияти учун миннатдорлик билдирамиз ва Россия премер-лигасидаги янги фаолиятида омад ва муваффақият тилаймиз!
Маҳмуд, ҳаммаси учун раҳмат!",-деб ёзилади клуб расмий саҳифасида.
