Малик Фофана “Арсенал”га эмас, “Сандерленд”га ўтишга яқин
“Лион”нинг белгиялик қанот ҳужумчиси Малик Фофана фаолиятини Англия Премьер-лигасида давом эттиришга яқин. Журналист Санти Ауна маълумотига кўра, 21 ёшли футболчи “Сандерленд” билан келишувга эришган.
“Лион” ва “Сандерленд” ҳам трансфер бўйича келишиб олган. Манбаларга кўра, инглиз клуби Фофана учун 30 миллион евро ва бонуслар тўлайди. Умумий сумма қарийб 35 миллион еврога етиши мумкин. Футболчи тиббий кўрикдан ўтгач, янги клуби билан 5 йиллик шартнома имзолаши кутилмоқда.
Аввалроқ Фофанага Лондоннинг “Арсенал” клуби ҳам жиддий қизиқиш билдирган эди. Бироқ “Арсенал” трансферни якунламади ва “Сандерленд” вазиятдан фойдаланиб, “Лион” билан келишувга эришди.
Маълумот учун, Малик Фофана жорий мавсум барча мусобақаларда 6 та учрашувда майдонга тушиб, 2 та гол урган. 21 ёшли футболчи Бельгия терма жамоаси аъзоси ҳисобланади.
