Малдини: «Италия футболи теннисдан ўрганадиган нарсалар бор»
«Милан» афсонаси Паоло Малдини Римда ташкиллаштирилган теннис мусобақасини томоша қилиш учун ташриф буюриб, диққат марказига тушиб қолди. Малдини ўз ватандоши ва дунё рейтинги етакчиси Янник Синнернинг россиялик спортчи Андрей Рублёвга қарши ўйинини кузатди.
«Футбол теннисдан нималарни ўрганиши мумкин? Барчасини режалаштиришни футбол айнан теннисдан ўрганса арзийди. Теннисда режали шундай ишлар қилиндики, футболда айнан шу нарса етишмаяпти. Менимча, биринчи ракетка италиялик эканлиги қизиқишни оширади, лекин дунё рейтингидаги топ-100да италияликларнинг кўплиги шунчаки тасодиф эмас», - дея Малдини сўзларидан иқтибос келтирди Sempre Milan.
Шунингдек, Малдини ўзининг келажаги ҳақидаги саволга жавоб беришдан бош тортди ва «изоҳсиз» сўзлари билан чекланди.
