Малайзиянинг “Johor” клуби жаҳон рекордини ўрнатди
Малайзиянинг “Johor Darul Ta’zim” клуби миллий чемпионатда кетма-кет энг кўп мағлубиятсиз ўйин ўтказиш бўйича янги жаҳон рекордини ўрнатди. Жамоанинг мағлубиятсиз серияси 109 та учрашувга етди.
Янги мавсумнинг илк турида “Johor” “Kuching Siti”ни 3:0 ҳисобида мағлуб этди. Голларга Маркос Гилерм, Оскар Аррибас ва Шаҳоб Заҳеди муаллифлик қилди. Шу тариқа клуб чемпионатдаги тарихий сериясини давом эттирди.
“Johor Darul Ta’zim” аввалги рекорд эгаси — Кот-д’Ивуарнинг “ASEK Mimozas” клубини ортда қолдирди. Африка клуби 1989–1994 йиллар оралиғида миллий чемпионатда кетма-кет 108 та учрашувда мағлуб бўлмаган эди. “Johor” ўтган мавсумнинг сўнгги баҳсида ушбу кўрсаткични такрорлаган, энди эса уни янгилади.
Маълумот учун, “Johor Darul Ta’zim” Малайзия чемпионатида 2021 йил апрелидан буён мағлубият нималигини билмайди. Жамоа сўнгги тўртта мавсумни бирорта ҳам мағлубиятсиз якунлаган ва айни пайтда кетма-кет 13-чемпионлик сари курашмоқда.
