“Малага” Антони Марсьялни трансфер қилиши мумкин
“Манчестер Юнайтед”нинг собиқ ҳужумчиси Антони Марсьял фаолиятини Испанияда давом эттириши мумкин. 30 ёшли франциялик футболчига “Малага” клуби қизиқиш билдирмоқда. Бу ҳақда инсайдер Маттео Моретто маълум қилди.
Марсьял Ла Лигада ўйнаш тажрибасига эга. Франциялик ҳужумчи аввалроқ “Севилья” сафида тўп сурган. Эндиликда “Малага” ҳужум чизиғини кучайтириш учун футболчини ўз сафига қўшиш имкониятини кўриб чиқмоқда.
Марсьялнинг сўнгги клуби Мексиканинг “Монтеррей” жамоаси бўлди. У ўтган мавсум Мексика чемпионатида 17 та учрашувда майдонга тушиб, 1 та гол ва 2 та голли узатмани қайд этди.
Маълумот учун, “Малага” Ла Лиганинг дастлабки тўрт туридан сўнг 2 очко жамғариб, қуйи поғоналарда бормоқда. Клуб мавсум стартидаги қийинчиликлардан сўнг таркибни кучайтириш вариантларини изламоқда.
