Макси Родригес: «Месси яна жаҳон чемпиони бўлишни хоҳлайди»
Аргентина терма жамоаси фахрийси Макси Родригес миллий жамоа афсонаси Лионел Мессининг мотивацияси нимада эканлиги ҳақида гапирди.
“Мессини шуҳратга бўлган ташналик ва яна тарихга кириш истаги олға ундайди. У олдинга боришда давом этмоқда – ҳеч нарса уни тўхтата олмайди. Ўз мамлакати ғурури учун ўйнайди: унинг хаёлига бошқа ҳеч нарса, ҳатто рекордларни янгилаш ҳам келмайди.
У яна жаҳон чемпиони бўлишни хоҳлайди. У яна бор кучини ишга солмоқда, чунки бу чанқоқлик унинг шахсиятининг бир қисмидир. Бундай муносабат ва мақсадга интилишсиз у эришган барча ютуқларига эриша олмасди. Айни шунинг учун биз Аргентина терма жамоасининг афсонавий 10-рақамли либосида у билан бирга яна бир жаҳон чемпионатидан завқланишимиз мумкин”, – дея Родригеснинг сўзларини келтиради FIFA расмий сайти.
