Maksi Rodriges: «Messi yana jahon chempioni bo‘lishni xohlaydi»
Argentina terma jamoasi faxriysi Maksi Rodriges milliy jamoa afsonasi Lionel Messining motivatsiyasi nima ekanligi haqida gapirdi.
“Messini shon-shuhratga bo‘lgan tashnalik va yana tarixga kirish istagi olg‘a undaydi. U oldinga borishda davom etmoqda – hech narsa uni to‘xtata olmaydi. O‘z mamlakati g‘ururi uchun o‘ynaydi: uning xayoliga boshqa hech narsa, hatto rekordlarni yangilash ham kelmaydi.
U yana jahon chempioni bo‘lishni xohlaydi. U yana bor kuchini ishga solmoqda, chunki bu chanqoqlik uning shaxsiyatining bir qismidir. Bunday munosabat va maqsadga intiluvchanliksiz u erishgan barcha yutuqlariga erisha olmasdi. Aynan shuning uchun biz Argentina terma jamoasining afsonaviy 10-raqamli libosida u bilan birga yana bir jahon chempionatidan zavqlanishimiz mumkin”, – deya Rodrigesning so‘zlarini keltiradi FIFA rasmiy sayti.
