Макфарлейн: «Биз мавсум охиригача ҳар бир ўйинда ғалаба қозониш учун қўлимиздан келганини қиламиз»
«Челси» бош мураббийи вазифасини бажарувчи Калум Макфарлейн Англия Премьер-лигасининг 35-турида «Ноттингем Форест»га қарши уй учрашувидаги (1:3) мағлубиятга изоҳ берди.
«Мен бу жамоани биламан. Мен уларни анча вақтдан бери танияман ва улар шижоатли. Улар ўзлари учун энг яхшисини хоҳлашади. Улар бу клуб учун энг яхшисини хоҳлашади. Ва биз мавсум охиригача ҳар бир ўйинда ғалаба қозониш учун қўлимиздан келганини қиламиз.
Ҳозир мен бутун эътиборимни қарата оладиган нарса — бу эртанги кун, эртанги машғулот, биз ўйинни таҳлил қиламиз, сабабини тушунишга ҳаракат қиламиз ва беш кундан кейин «Ливерпул»га қарши юқорироқ даражадаги ўйинни таъминлашга ҳаракат қиламиз», — деди 40 ёшли Макфарлейн матбуот анжуманида.
«Челси» АПЛ турнир жадвалида 10-ўринни эгаллаб турибди — жамоа ҳисобида 35 та ўйиндан сўнг 48 очко бор.
