Махачев нега Оқ уйда жанг қилмайди? Дана Уайт жавоб берди
UFC президенти Дейна Уайт промоушеннинг навбатдаги турнирларидан бирида иштирок этиши кутилган икки карра чемпион Ислам Махачев нега таркибда йўқлигига изоҳ берди. Уайтнинг сўзларига кўра, россиялик жангчи жиддий жароҳат олган.
MMA Fighting нашрига берган интервьюсида Дана Уайт шундай деди:
«Унинг қўлида муаммолар бор. Мен буни биламан. Жароҳат қай даражада жиддий эканлиги ва у қанча муддатга сафдан чиққанини ҳозирча аниқ айта олмайман, бироқ у айни дамда жароҳатланган».
Маълумот ўрнида, 34 ёшли Ислам Махачев 2025 йилнинг ноябрь ойида бўлиб ўтган UFC 322 турнирида австралиялик Жек Делла Маддаленани мағлуб этиб, яримўрта вазн (77 кг) чемпионлик камарини қўлга киритган эди. Ҳозирча жангчининг қачон октагонга қайтиши бўйича аниқ муддатлар белгиланмаган.
