Maxachev nega Oq uyda jang qilmaydi? Dana Uayt javob berdi
UFC prezidenti Deyna Uayt promoushenning navbatdagi turnirlaridan birida ishtirok etishi kutilgan ikki karra chempion Islom Maxachev nima uchun tarkibda yo‘qligiga izoh berdi. Uaytning so‘zlariga ko‘ra, rossiyalik jangchi jiddiy jarohat olgan.
MMA Fighting nashriga bergan intervyusida Dana Uayt shunday dedi:
«Uning qo‘lida muammolar bor. Men buni bilaman. Jarohat qanchalik jiddiy ekanligi va u qancha muddatga safdan chiqqanini hozircha aniq ayta olmayman, biroq u ayni damda jarohatlangan».
Ma’lumot o‘rnida, 34 yoshli Islom Maxachev 2025 yilning noyabr oyida bo‘lib o‘tgan UFC 322 turnirida avstraliyalik Jek Della Maddalenani mag‘lub etib, yarimo‘rta vazn (77 kg) chempionlik kamarini qo‘lga kiritgan edi. Hozircha jangchining qachon oktagonga qaytishi borasida aniq muddatlar belgilanmagan.
