Махачев Дембеле ва Кварацхелия билан учрашди
Россиялик жангчи «ПСЖ» ва «Ливерпуль» ўртасидаги баҳсга ташриф буюрди.
ФОТО: Getty Images
UFCнинг яримўрта вазн тоифасидаги (77 кг гача) 34 ёшли амалдаги чемпиони, россиялик Ислом Махачев «ПСЖ» клуби футболчилари — француз вингери Усмон Дембеле ва грузин қанот ҳужумчиси Хвича Кварацхелия билан учрашди.
Ҳозирда Махачев UFCда 16 та ғалабадан иборат серия қайд этмоқда. Исломнинг ҳисобига жами 28 та ғалаба ва битта мағлубият бор.
Россиялик спортчи Нью-Йоркдаги UFC 322 турнирида бўлиб ўтган сўнгги жангда австралиялик Жек Делла Маддаленага қарши майдонга тушган эди. Яримўрта вазн тоифасидаги чемпионлик камари тикилган мазкур баҳс Махачевнинг ҳакамлар якдил қарори билан қозонилган ғалабаси билан якунланган.
Насрулло Каримов
Журналист